වේසා ගැහැණියක්
ඇඹරුණා
කෙඳිරි ගෑවා
නෑඹුල් සුදියක් ලද
හිරිමල් කෙල්ලක මෙන්.
ඉර බැස යන සඳ
මලක් සිනාසුණා කෝලව.
හිස පහත් කර ගත්තා විලිබරව.
ඒ මායමෙහි සිරවුණා බමරා.
කාන්තාර රටකින් ආ ඇඹලයෙකු
මත් වුණා පැණි බිඳුවකින්
වලස් ගෙරියකු කැරකුණා
වදය බැඳි ගස මුල.
කවියනි
මෙයයි ලෝ දහම
වීසිකොට පෑන් පත් ඉරු
බැඳ ගනිල්ලා හුලු අතු
මෙන්න ගින්දර තොපට!
කේ කේ සමන් කුමාර
(නගා මැරූ අල - 2000)
(නගා මැරූ අල - 2000)
No comments:
Post a Comment